Presentación do Proxecto no fin de curso!

Para rematar o curso, toda a comunidade educativa desfrutou da presentación que recolle o traballo desenvolvido ao longo do curso.

Vémonos en setembro!!

Piratas e mariñeir@s!

Ao longo de todo o curso, as nenas e nenos de Infantil podemos desfrutar e aprender coa vida pirata e mariñeira... Tomando como referencia o proxecto "Os piratas" fixemos unha viaxe paralela... Como era a vida pirata? Como é a vida mariñeira?

Comezamos coa lectura do conto "A gaivota e o faro", de Edicións Seteleguas e a aventura levounos a rematar no fin de curso no Faro Vilán, con Cristina, a fareira e o pirata Ambrosio, a secas, que estaba de visita, xusto o día no que nós fixemos a nosa particular viaxe por Camariñas...

Os contos, os mapas, os oceanos e mares, os barcos e artes de pesca, as cunchas e peixes como tesouros mariñeiros... Os piratas teñen cofres e nós fixemos o noso para poder gardar cunchas recollidas nas praias da contorna: Lago, Reira, Xaviña... Grandes tesouros os espazos que nos rodean!
Coñecemos algunha historia de barcos familiares e tamén da man de dúas nais, unha mariscadora e a outra traballadora na confraría, coñecemos máis polo miúdo a vida das percebeiras e mariñeiros que viven, ás veces, experiencias mariñeiras semellantes ás que viviron Barba Roxa, Barba Negra ou Mary Read


A viaxe pirata e mariñeir@ en fotos...



De roteiro... Cos pés na vida do mar!

Despois de todo o aprendido na escola, comezamos a camiñar cos pés na realidade.
Unha primeira parada no Ariño, lugar de marisqueo na ría de Camariñas...
Unha segunda parada no porto... As nasas, os barcos, a confraría...
Unha última parada... No Faro Vilán para coñecer a historia do mesmo e mesmo atoparnos cos temidos piratas dos que tanto tiámos falado ao longo do curso! Desta volta non era nin Barba Negra nin Mary Read... Atopámonos co pirata Ambrosio A Secas e co mapa na man atopamos o tesouro do Faro Vilán!!

Camiñamos no territorio: de roteiro por Camariñas!

As nenas e nenos, acompañad@s das mestras e mestres, fixemos unha ruta de sendeirismo dende a carretera de Mourín ata o Cemiterio dos Ingleses. Coñecemos as peculiaridades de Vilán de Fóra e das aves que alí aniñan (Arao dos Cons e a Gaivota Tridáctila), da Rede Natura, do Foxo dos lobos e a importancia que no pasado tivo na economía gandeira da zona, das pedras antropormorfas traballadas polo mar e o vento, os Illotes das Baleas e a importancia da caza de baleas en Camariñas no pasado, así como a historia e presente dos naufraxios na nosa costa.

A paisaxe é un elemento fundamental para o benestar individual e colectivo. A partir dela podemos entender gran parte da historia  e das condicións económicas dunha sociedade e por iso con esta saída pretendemos que o medio natural e a paisaxe do noso territorio sexan o marco para unha clase de historia e coñecemento do medio.

Para acadar este obxectivo, acompañounos Berni, unha persoa coñecedora da paisaxe e do patrimonio do noso territorio. Isto axudounos a facernos máis conscientes das peculiaridades de Camariñas e da importancia do coidado e respecto do lugar onde vivimos.

Só podemos desenvolver estas actividades coa implicación de toda a comunidade educativa e, desta volta, o Concello e a ANPA fixeron posible compartir un par de marabillosos días de roteiro na costa de Camariñas.

Desfrutemos das primaverais imaxes...

DIA DAS LETRAS GALEGAS; Construíndo a paisaxe. Entre a palabra e a mirada…

Celebramos o Día das Letras Galegas axudándonos da mirada e as palabras sobre a contorna máis próxima… 

Construíndo entre tod@s a paisaxe de Camariñas…

A mirada das nenas e nenos de Infantil achegouse ás palabras que, en galego, lles dan nome aos peixes que habitan o mar que baña a nosa costa…

Boi, buguina, xurelo, rodaballo, polbo, raia, dourada, sardiña, xarda, percebe, lura…

Palabras Infantil

Read more publications at Calaméo

Máis maiores e máis observador@s! Aquí vai o traballo de segundo ciclo. Elas e eles miraron pola ventá do seu cuarto, observaron de camiño á escola ou mentras camiñaron polo monte ou polas praias e atopáronse coa gaivota, o arroaz, a bolboreta, a caramiña, a chorima, a figueira, a silva…

1º 2º

Read more publications at Calaméo

A paisaxe tamén son sensacións, percepcións… Non é o mesmo  unha paisaxe con brétema que cando sintes os refachos de vento na túa cara. Tampouco cando sopra o nordés ou hai temporal sentimos o mesmo que cando o día está sollío… 

3º 4º

Read more publications at Calaméo

A toponimia e a microtoponimia chega da man do grupo de 5º. Descubrimos que algúns nomes teñen moito que ver coa historia do territorio que ocupamos… Ariña Branca, Casa do Alemán, O Curro, Pedra da Aguia, Ponte do Porto…

Da man do grupo de 6º veñen as palabras que lle dan nome aos oficios desenvolvidos polas persoas que habitan o noso territorio…

Fareira, percebeira, mariñeiro, mariscadora, palilleira…

5º 6º

Read more publications at Calaméo

Cabazos nas aldeas: as pedras que falan...

Unha ollada á arquitectura popular lévanos ata os cabazos que atopamos nas aldeas.
Danos por pensar que as pedras falan... Imos ver se aprendemos algo delas!

O edificio que alberga á Fundación Luis Seoane, sérvenos como excusa para estudar unha moi importante construción no noso Territorio: os horreos.

As nenas e nenos, xunto coas súas familias, son as investigadoras que nos achegan a historia desta tradicional construción galega que tanta importancia social, económica e cultural tivo nas aldeas e parroquias de Camariñas.

Imos aló!

As pedras tamén falan.

Leer más publicaciones en Calaméo

FORMACIÓN ENRE IGUAIS: APROVEITAMENTO DIDÁCTICO DA EXCURSIÓN A CIDADE DE A CORUÑA

Non todas e todos tivemos a oportunidade de visitar, da man do Proxecto Terra, a cidade de A Coruña e por iso as nenas e nenos que si o fixeron serán as que amosen, coa súa mirada, ao resto dos grupos o Barrio das Flores, o MUCYT, a Fundación Luis Seoane, a zona histórica e do porto, o Museo de Belas Artes e os Xardíns de San Carlos.

O territorio e a paisaxe dende unha ollada diferente: coñecendo a historia e a importancia das prácticas que o ser humano desenvolve na terra e o territorio.

Aquí podedes ver algunha imaxe do día...

PROXECTO TERRA: ARQUITECTURA E CIDADE VISITA Á CIDADE DA CORUÑA

O día 7 de abril coñecemos a cidade da Coruña a través dunha mirada diferente… Contemplando a paisaxe a través da arquitectura comprendemos como se organiza o espazo que habitamos. Neste caso, o espazo na cidade.

O Barrio das Flores, coas súas zonas verdes… O MUNCYT: que nos fala da importancia de coñecer e poñer a ciencia e a tecnoloxía ao servizo das persoas… A Fundación Luis Seoane, cuxo edificio representa a construcións dos horreos que pola nosa zona son tan numerosos e teñen tanta importancia… Ou… A visita ao Museo de Belas Artes onde coñecemos o traballo de Picasso ou de El Greco. Todo isto e máis foi o que vivenciamos neste día e agora, tócavos a vós!

Que foi o que máis che impactou? O que resulto chamativo por novidoso? Onde te sentiches mellor? Que aprendiches da cidade da Coruña que non coñecías?

Todas estas preguntas e máis son as que che poden permitir escribir un relato de, aproximadamente, unha páxina, sobre o día que compartimos coas persoas que fixeron de guías para  nós.

Coas vosas impresións organizaremos unha xornada onde as nenas e nenos de 2º ciclo poderán coñecer a cidade da vosa man baixo unha mirada diferente… A da arquitectura e a organización do espazo que habitamos.

Agora o traballo esta nas mans da nenas e nenos de 3º ciclo, e nos próximos días poderemos coñecer as súas impresións sobre a viaxe.

O ENTROIDO CHEGA A NOSA ESCOLA!

Tamén nesta celebración nos acompañaron personaxes e tradicións da nosa contorna máis próxima. Aquí vos deixamos algunhas fotos do concurso de sobremesas e aos máis pequenos vestidos de piratas!

A Costa da Morte no mapa.

Co obxectivo de facernos conscientes do lugar onde vivimos, e coñecer como a poboación se organiza no noso territorio, enlazamos a celebración do magosto e o samaín coa elaboración de mapas…  Nesta actividade participamos de novo toda a escola!!

Comarca, concello, parroquia ou aldea son lugares que habitamos e construímos co noso facer cotiá.

Comezamos coa axuda do material elaborado polo Colexio Galego de Arquitectos para o Proxecto Terra, que nos guía na descuberta  do territorio no que vivimos. Axúdanos a ser conscientes da nosa responsabilidade no coidado do lugar no que vivimos e da importancia do seu coñecemento e, por que non, do seu recoñecemento…

Entre todas fixemos unha descuberta do territorio a través do que avoas e avós nos contaron sobre o uso das cabazas e a localización de castiñeiros  na contorna próxima.

Comarcas…

Terra de Soneira, Xallas, Fisterra e Muros, son as comarcas da Costa da Morte que localizamos no mapa. Os dous grandes faros… Vilán e Fisterra, que se atopan en dous dos cabos máis coñecidos de Galicia.

    

Pasando polos faros, chegamos ao concello de Camariñas e ás súas parroquias: Camelle, Xaviña, Camariñas e Ponte do Porto.

E aquí, nas parroquias, onde as aldeas nas que viven a maioría dos nenos e nenas da escola se localizan.

Xaviña…

Naiara e Ana contan que a súa avoa cultivaba a cabaza para alimentar a familia e, coas que sobraban, alimentar aos animais que logon servirían de alimento.

O Allo…

Pablo conta que a cabaza plántase nun sitio húmido e abonado. Aos tres meses pode recollerse. Despois gárdase nun sitio seco e consérvase un ano.

Miriam localizou as cachas do castiñeiro moi preto do Allo…

Arou…

Sara conta que labregas e labrego, porque esta tamén é unha zona onde a terra se traballa, empregaban a cabaza como botella de viño. Valeiraban as sementes e secaban a cortiza para empregala como botella e poder levala á leira.

Camelle…

Juan Manuel fixo o percorrido  por un sendeiro que une Camelle coa aldea de Matio, en Traba, xa no Concello de Laxe. Alí atopou un castiñeiro de uns 10 anos de idade.

Santa Mariña…

Segundo o que a avoa lle contou a Iago, as cabazas en Santa Mariña usábanse para adornar.

Manuel, María… Fálannos das aldeas de Carnés e Tufións, localizadas no Concello de Vimianzo que tamén forma parte da comarca de Terra de Soneira.

Magosto si, pero… De onde veñen as castañas?

Si, magosto!! Pero… E se pesquisamos ao noso redor para descubrir onde se atopan os non moi abundantes castiñeiros no noso concello?

Así celebramos o magosto na nosa escola…

Unha grande árbore construída de xeito colaborativo entre todas e todos. Nenos e nenas e todas as mestras emestres da escola…

Como?

Localizamos os castiñeiros que temos preto das nosas casas… Primeira pregunta? Hai moitos castiñeiros en Camariñas? Descubrimos que non temos grandes soutos pero si aparecen sempre algúns castiñeiros preto… Illados… Como se nunca tiveran moitos acompañantes ao seu redor que poderan chegar a constituír un grande souto…

Nós tratamos de poñelo en valor e no noso patio da escola loce un bonito castiñeiro feito con cortiza de castiñeiro, castañas, follas e pólas dos nosos devanceiros castiñeiros que descubrimos temos por veciños…

Pero non só iso…

Un grande mural coa historia do magosto, receitas con castañas, adiviñas e refráns, axudáronnos a comprender a importancia que este froito de outono ten en Galicia e o porque da celebración desta festa.

Ademais… Compartimos unhas coas outras. Os nenos ensinaron e explicaron os seus traballos ás súas compañeiras, de xeito que escoitamos as conclusións ás que chegamos despois de ter feito todo este traballo.

Parabéns a mestras e nenos por todo este traballo colectivo que axuda a comprender mellor o porque das nosas festas!