Cada ano as cabazas chegan á escola pola festa
do Samaín máis… Este ano demos en pensar… Por que é tan fácil conseguir cabazas
nas nosas aldeas e parroquias? Cale é a orixe deste froito de outono? Para que
se emprega e empregaba en Camariñas a cabaza? Quen as planta?
Todas estas preguntas que nos comezamos a
facer obtiveron algunhas respostas interesantes e nos permitiron ir decubrindo
aldea a aldea, parroquia a parroquia, cousas interesantes ao respecto…
Como resultado…
O libro das cabazas atopadas en Xaviña, en
Carnés, en Tufións…
Permítenos facer un primeiro achegamento á
nosa contorna máis próxima examinando cales son os lugares que habitan os nenos
e nenas da escola…
Ademais disto…
Que diriades se as cabazas veñen
caracterizadas de oficios e tradicións propias de Camariñas? Do que as nenas e
nenos coñecen ou descubren coa axuda dos nosos maiores?
Aquí tedes a mostra dalgunha delas… Zoqueiros,
peixeiras, palilleiras, gandeiras, labregos… Ata meigas!!
Esta memoria viva, chegada á escola a través
da decoración das cabazas fainos pensar en cal foi o pasado próximo da contorna…
Que oficios se viñan desenvolvendo? Seguen a ser traballos produtivos hoxe en día? Hai xente
nas aldeas para poder desenvolvelos?
E nós… Gustaríanos ser zoqueiras, palilleiros,
peixeiros ou mariñeiras?
Estas son algunhas das reflexións…
